దైవానికి

క:-కందము వ్రాసిరి .మెచ్చితి.
అందంబగు పదము లెన్ని అమరిక జేయన్
కందము మనకందంబై
సుందరముగనుండు గాదె? సూనృత హ్రుదయా.

కందారంగేట్రాభినందనలు.
అభ్యాసం కూసు విద్య.
:-)

శుభం. పద్యసారస్వతలోకానికి సుస్వాగతం.

మీక్కూడా కందపుటీగ కుట్టేసిందన్న మాట .. ఇహనేం!
సంతోషం!!

కందారంగేట్రం, కందపుటీగ ... కందపదకోశం తయారయిపోతోంది! దైవనిక గారూ! అందుకోండి మరి కందాభినందనలు!!

బాగుబాగు. పద్యగుంపుకు ఆహ్వానం :-). మీ టెమ్ప్లేట్ చాలా బాగుంది.

రామకృష్ణ గారు, కందం బాగుంది కాని, పదాల మధ్యలో అలా అచ్చులు రావచ్చా?? సంధి జరుగుతుందేమో కదా!!
రానారె గారు, రాఘవ గారు, ధన్యవాదాలు
కొత్తపాళి గారు, కుట్టడమే కాదు, మాటి మాటికి నోట నానుతుంది కూడా
చంద్రమోహన్ గారు, నా ఈ ఉత్సాహానికి తమరి టపానే కారణమని చెప్పాలి :)
వికటకవి గారు, థాంక్సండి.

శా: -శ్రీ దైవానిక ! మీదు ప్రశ్న బహుధా శ్రేయంబు, యోగ్యంబునౌన్.
బోధింతున్ గుణ దోషముల్ వినుడు. సత్ పూజ్యాప్పకవ్యాదులే
మోదం బొప్ప వచించె కావ్య గతులన్. మున్ముందు సద్ గ్రాహ్యమౌన్.
క్రోధంబొందకుడింతలోనె. కృపతో కూర్మిన్ ననున్ గాంచుమా
నేను వ్రాసిన కంద పద్యము మీ మెప్పు పొంద గలిగి నందుకు సంతోషం. ఐతే పద్యం మధ్యలో సంధి జరపకుండా అచ్చులు వాడవచ్చునా అని అడిగారు. నిజమే. మీరన్నది " విసంధికము " అనబడే ఒక దోషం. ఇతే సమాసములలో సంధి చేయకుండా ప్రయోగిస్తే అది దోషం.సమసించనప్పుడు దోషం కాదు.నిత్య సమాసాలలో అది వర్తిస్తుంది.
మీకు సులభ గ్రాహ్యమవడానికని అలా వ్రాశాను. అదే పద్యం ఇప్పుడు చూడండి.
క:-కందము వ్రాసిరి. మెచ్చితి
నందంబగు పదములెన్ని, యమరిక జేయన్,
కందము మనకందంబై
సుందరముగనుండుగాదె, సూనృత హృదయా !
ఈ పద్యంలో నకారాన్ని, ధృతము కావున గ్రహ్నిచుకోవచ్చు. 2వ పాదంలో అసమాపక క్రియకు ససంధి కారాదు కాన యడాగమం వస్తుంది. మీకర్థమయేలా చెప్పాననుకొంటున్నాను. మీ ఆసక్తికి నా ఆనందన్ని వ్యక్తం చేస్తున్నాను. నమస్తే.
చింతా రామకృష్ణా రావు
ఆంధ్రామృతం.

ఆఖరి కందం అదిరింది. :-)

-మురళి

మీ కంద పద్యాలు చాలా బాగున్నయి.

సాధన చేస్తే ఇంక చాలా బాగా రాయ గలరు.

దయ చేసి మరి కొన్ని పద్యాలు రాసి మమ్మల్ని ధన్యుల్ని చెయగలరు.
భవదీయుడు
కాముధ

తేటగీతి గారు, ధన్యుడ్ని
కముధ గారు, త్వరలో మీ మీద కుప్పలు కుప్పలుగా విసరదల్చాను పద్యాలు. యిక కాసుకోండి.